Gott er að renna yfir þetta myndband áður en lengra er haldið, það gæti svarað spurningunum þínum 

Þarf ég að bóka miða?

  • Já, við biðjum ykkur vinsamlegast um að bóka miða á netinu til að þið getið verið fullviss um það að pláss sé laust. Örvæntið þó ekki ef það gleymist – við reynum að koma öllum að 😊

Við erum hópur fólks, þurfum við að bóka?

  • Já, við biðjum ykkur vinsamlegast um að bóka miða á netinu til að þið getið verið fullviss um það að pláss sé laust fyrir hópinn ykkar.

Hvert er hitastigið á vatninu?

  • Vatnið er yfirleitt milli 36-40°C. Heiti potturinn okkar er í kringum 42°C. 

Ég á bókað kl. 14:00, get ég mætt klukkan 13:00?

  • Ef þú bókar kl. 14:00 þá geturðu mætt milli 14:00 og 14:30. 

Þarf ég að fara í sturtu áður en ég fer ofan í lónið?

  • Já, það þurfa allir að fara í sturtu og þvo sér með sápu áður en farið er ofan í. Sturturnar eru í búningsklefunum og þar er einnig líkamssápa, sjampó og hárnæring.

Hversu lengi má ég vera ofan í lóninu?

  • Það eru engin tímatakmörk en gott er að gera ráð fyrir 90 mínútum í það heila.

Hvenær á ég að vera farinn úr lóninu?

  • Allir gestir eiga að hafa yfirgefið húsið þegar auglýstum opnunartíma lýkur. 

Má ég koma með eigið áfengi í lónið?

  • Nei, þú mátt ekki koma með eigið áfengi. Hægt er að kaupa bjór- eða vínarmband í afgreiðslunni og fengið afgreiðslu frá starfsmanni á útivakt.

Hvernig virkar bjór- og vínarmbandið?

  • Þú ákveður hversu marga drykki þú vilt (hámark þrír bjórar/tvö vínglös), kaupir armband í afgreiðslunni og starfsmaður á útivakt afgreiðir áfengið.

Þarf ég að koma með handklæði?

  • Þú getur komið með þitt eigið handklæði en þú getur líka leigt handklæði í afgreiðslunni. Við mælum með að þú geymir handklæðið í handklæðarekkanum við sturtuklefann.

Hversu djúpt er lónið?

  • Lónið er mest 1,3 meter á dýpt. 

Eru skápar innifaldir?

  • Já, þeir eru það. Þú færð skápamynt þegar þú borgar aðganginn.

Eru einkasturtur?

  • Já, við erum með 2-3 einkasturtur í hverjum klefa.